LA UNION – Na-ospital ti maysa a motorcycle rider kalpasan a natinnag ti manmanihuenna a motorsiklo iti karayan ti Barangay Sinapangan Norte, Bangar, La Union.
Nabigbig ti biktima a ni Hermigildo Galvez, residente ti nasao nga ili.
Naammuan ti Bombo Radyo manipud iti Bangar Police Station, sumalsalog ti biktima idi a pimmalya ti preno ti motorsiklo kasaruno iti pannakaideretsona iti rangkis ken nagdisso daytoy iti karayan.
Naglak-am iti sugat ti naduma-duma a paset ti bagina ti biktima gapu ti aksidente.
Nagtitinnulong met dagiti residente sadiay tapno iturong daytoy idiay ospital.
