LA UNION – Naideklara a dead on arrival iti Tagudin District Hospital ti maysa a rider kalpasan a naidungpar ti naglugananna a motorsiklo iti maysa a bus idiay Barangay Bangaoilan West sadiay Bangar, La Union.
Nabigbig ti biktima a ni Freddie Rodriguez, 47-anyos, residente ti Talipugo, Balaoan.
Maibasar iti imbestigasion dagiti otoridad, naamuan a daldalyasaten ni Rodriguez ti kawatiwatan ti kalsada idi kellaat nga immagaw iti linya agingga a naidungpar iti sumungsungad a bus a minaneho ni Joe Francis Europa, 45, residente ti San Nicolas, San Esteban, Ilocos Sur.
Dagus a naitaray iti pagagasan ni Rodriguez ngem pimmusay met laeng.
Iti agdama ket im-imbestigaran dagiti otoridad ti driver ti mini bus.
