BR LA UNION – Inaresto dagiti otoridad ti No. 2 Most Wanted Person idiay Novaliches, Quezon City iti manhunt charlie operation nga insayangkat ti nagtipon a puersa ti Bangar Police Station ken Police Station 4 ti Quezon City Police District idiay Barangay Central East 2, Bangar, La Union, idi agarup 11:15 p.m. idi Oktubre 20, 2025.
Nabigbig ti suspek a maysa a lalaki nga agtawen ti 18, housemaid manipud Barangay 108, Caloocan City, ken agdama nga agnanaed idiay Barangay Ili Norte, San Juan, La Union.
Naaresto ti suspek maiyannurot iti warrant of arrest nga impaulog ti korte gaputi kaso nga statutory rape, ken awan ti piyansa na.
Maibasar iti report ti Bangar Police Station, dagus a naarestar ti suspek kalpasan a nakitada iti nasao a lugar.
Ti naballigi nga operasyon ket mangipakita iti agtultuloy a dedikasyon ti La Union Police Provincial Office (LUPPO) a maidarum ken matiliw dagiti naglabsing iti linteg tapno mataginayon ti talna ken urnos ditoy probinsiya.
