LA UNION – Saanen a nakadanon pay a sibibiag iti pagagsan ti maysa a lalaki kalpasan a nairaman iti aksidente iti national highway iti Barangay Ili Norte, idiay ili ti San Juan, La Union.
Binigbig ti San Juan PNP ti biktima a ni Jay Aries Andrada, 29-anyos, residente ti Barangay Sinapangan, Balaoan.
Iti imbestigasion ti pulisia, naamuan a daldalyasaten ti motorsiklo ti kalsada nga agturong iti amianan idi kellaat a naidungpar iti maysa a truck a nakasardeng iti ngalay ti dalan.
Ditoy a nabaliktad ti motorsiklo ket naipurwak ti biktima a nagbanag iti nakaro a pannakasugatna.
Dagus daytoy a naitaray iti pagagsan ngem naideklara a dead on arrival.
