LA UNION – Dead on arrival idiay ospital ti maysa a 17-anyos a baro kalpasan a naiyablat iti kalsada ti manmanaehuenna a motorsiklo idiay national highway a sakupen iti Barangay Ma. Cristina East, ili ti Bangar, La Union.
Nabigbig ti biktima a ni Japeth Bugtong, residente ti nasao nga ili.
Naammuan ti Bombo Radyo manipud iti Bangar Police Station, maipagarup a naiyablat ti motorcycle rider iti kalsada kalpasan a nag-over take daytoy iti sarsarunnuenna a bus.
Maipagarup a maysa traysikel iti nakadalapus pay ti biktima.
Iti agdama, dukduktalen pay ti pulisya ti pakabigbigan ti tricycle driver a maipagarup a nakadalapus iti biktima a naglibas kalpasan ti aksidente.
