Binigbig ti Department of Migrant Workers a ti agsaksaknap nga online illegal recruitment ken scams ket maysa pay laeng a dakkel a parikut para kadagiti Pilipino a kayatda laeng ti agtrabaho iti ballasiw-taaw.
Segun kenni Attorney Bernard Olalia, umad-adu dagiti tattao iti opisinada nga agtultuloy nga agrekreklamo ken agkidkiddaw iti tulong kalpasan a nabiktima da kadagiti nagduduma nga social media platforms.
Madanagan isuda gapo ta adda pay dagiti agsasangit kabayatan ti panagtawag da iti ahensya tapno ipulong dagiti panangloko kenkuada dagiti illegal recruiters.
Kas resultana, ipatpatungpal ti Department of Migrant Workers ti nainget a panangmonitor kadagiti mapagduaduaan a posts iti online.
Innayon ti sekretario a ti departamento ket mangisayangkat itan iti ‘Motu Proprio surveillance’ tapno naan-anay a maipamaysa ken mapalag-an ti posible nga iyaadu dagiti biktima.
