LA UNION – Nangidatagen iti kaso nga arson iti piskalya ti maysa nga ina kontra iti bukodna nga anak a nanguram iti balayda idiay Barangay Cabaruan, ili ti Sto. Tomas, La Union.
Naammuan ti Bombo Radyo manipud iti Sto. Tomas Police Station, agtaltalinaed pay laeng iti estasyon ti pulisya ti 35-anyos a suspek a ni Rogie Laroco.
Immuna iti daytoy, nagawid a nabartek ti suspek idi a sineggedanna ti bukodda a balay.
Awan ti naaramidan ni Margie Laroco tapno anawaen iti nabartek nga anakna agingga a dimmapo ti balay ken awan ti naisalbar nga alikamen.
