LA UNION – Nakaragsakan dagiti nagannak ni Phil. Marines PFC Kleft Ariz iti ited a pammadayaw para kenkuana ti La Union Provincial Government.
Iti pannakiuman ti Bombo Radyo kenni Leonard Velasco, ama ti nasao a suldado, kinunana a pakaidayawan iti maawat a pammaibig para ti anakna nga ipaay ti lokal a gobyerno kagiddan iti panagrambak iti anibersaryo iti probinsya a La Union.
Ngem saan a maipanamnama a dumar-ay iti awards nigth ni PFC Velasco gapu ta madama iti training daytoy.
Maipalagip a maysa ni Velasco kadagiti suldado a nakigubat kadagiti terorista a Maute Group idiay Marawi City.
Malaksid kenkuana ket adda pay dagiti dadduma a suldado a nakigubat iti nasao a syudad ti ikkan ti pammadayaw ti lokal a gobyerno gapu iti nagbalin a kontribusyon dagitoy iti pagilyan kontra kadagiti kabusor ti kagimongan.
