LA UNION – Nagbiddut iti tao a nangibaga a ‘news blackout’ iti inaramid ti Naguilian Police maipapan iti panagbekkel a nakatayan ti maysa a lalaki, a temporaryo a naipasidong iti custodiya dagiti otoridad, kas kiddaw ti pamilya na.
Dayta ti impaganetget bayat iti eksklusibo a pannakiuman ti Bombo Radyo La Union kenni PMAJ JUDY B. CALICA, agdama a hepe ti pulisiya idiay Naguilian, La Union.
Inlawlawag ni Major Calica, a saan a naka-blotter iti insidente ngem naisurat iti police journal, kas respeto dagiti otoridad iti kiddaw ti pamilya ti maseknan ken panang-protektar metten iti reputasyon dagitoy.
Impaganetget pay ni Calica agraman ti pamilya dela Cruz nga awan ti foul play iti panagpakamatay ti ni Rolly.
Kinapudno na kunana, namindua a daras a ginandat ti lalaki nga agpakamatay iti sidong ti pamilya na idiay Barangay Natividad, babaen iti panaglaslas, ngem nasigud ken naatipa da daytoy.
