LA UNION – Inlawlawag ni President Ferdinand Marcos Jr., a saan latta a makitinnulong ti Pilipinas iti International Criminal Court (ICC), ingkaso nga agtulid ti imbestigasyon ti International Criminal Court iti maipagarop a human rights violation iti sidong ti War on Drugs ti Duterte Administration.
Waragawag daytoy ti Presidente idi masalodsod nu agsubli ti Pilipinas iti panagbalin na a miyembro ti Rome Statute a nangbukel iti International Criminal Court (ICC), kasaruno iti nagbalin a waragawag ti Office of the Executive Secretary idi Miyerkoles (November 13).
Imbaga ti Office of the Executive Secretary nga iti kanito nga idalan ti International Criminal Court iti interpol, ti proseso para iti imbestigasyon iti war on drugs, mapilitan iti Philippine authorities a makitinnulong.
Inlawlawag pay ti Presidente, nga iti interpol adda responsibilidad iti Pilipinas ngem awan iti ICC.
Kayatna sawen, saan a maki-tinnulong iti gobyerno iti imbestigasyon ti International Criminal Court.
Nupay kasta, kinunana a saan a lapdan ti gobyerno iti aramiden nga imbestigasyon ti international court.
Mainaig met iti karit ni sigud a Presidente Rodrigo Duterte iti International Criminal Court nga ag-imbestigar itan, kinuna ni President Marcos, a desisyon daytoy ti sigud a Presidente, banag a saan a supyaten ti gobyerno.
