LA UNION – Maysa a naidum-duma a langa iti lawa-lawa nga addan ti ‘scorpion-like tail’ iti nadiskubre dagiti earth scientist iti kabakiran ti Hukawng Valley idiay Myanmar.
Iti nasao a lawa-lawa ket nakita ken arigna nakapreserba iti uneg ti maysa a 100 million year-old amber wenno timmaken a dadat manipud iti bagi ti maysa a puon ti kayo, ken mapapati a nabiag idi pay panawen dagiti dinosaurs.
Malaksid iti scorpion-like tail, iti nasao a lawa-lawa ket bassit, nga addaan laeng ti body length a 2.5 millimeters ken 3 millimeter-long tail, at-atiddog pay iti ipos na kumpara iti bagi daytoy.
Iti baro a diskubre a glawa-lawa ket addaan ti fangs wenno babassit ngem natitirad a pangil ken walo met laeng iti saka na.
Inawagan ti grupo dagiti siyentista a pakaibilangan ni earth scientist Dr. Russell Garwood ti Manchester University, iti nasao a lawa-lawa iti Chimerarachne, a naadaw kenni Chimera, maysa a monster manipud iti Greek mythology.
Mamati met ni Palaeontologist Professor Paul Selden, ti Kansas University, a posible nga adda pay laeng iti tailed descendants dagiti nasao a lawa-lawa, a masarakan iti habitat dagitoy, iti remote area ti kabakiran idiay Myanmar.
Iti lawa-lawa ket saan nga insekto ngem ketdi kabilang iti arachnid family, a pakaibil-bilangan dagiti scorpion, surot ken ampas.
