Ilunglungalong dagiti mangitantandudo iti kalintegan dagiti ubbing ti pannakapalawa dagiti smoke-free ken vape-free areas tapno masalakniban dagiti menor de edad manipud kadagiti peggad ti sigarilyo ken vape.
Maibasar iti 2024 Global Youth Tobacco Survey, innem iti kada sangapulo nga estudiante nga agtawen iti 13 agingga iti 15 ti maipaspasango iti secondhand smoke kadagiti publiko a lugar.
Panggep ti gakat ni Albay Representative Cielo Krisel Lagman a maiparit dagiti indoor smoking areas, palawaen dagiti lugar a maiparit ti smoking ken vaping, ken mapaadu ti dusa dagiti aglabsing.
