Mangidiaya ti libre a serbisio-medikal, dental, ken surgical iti Provincial Government ti La Union ken ti Canadian Medical Mission Society idiay Bacnotan District Hospital inton Pebrero 1 agingga 7, 2026.
Sakbay ti mismo nga aldaw ket adda ti maangay nga screening inton Enero 26 aginggana 28.
Mabalakadan dagiti pasyente a mangitugot dagiti resulta ti ultrasound tapno naparpartak iti eksaminasion ken assessment.
Karaman kadagiti dadakkel nga operasion ket ti Head ken Neck Surgery, Chest Surgery, Ano-rectal Procedures, Selected Cheiloplasty, Abdominal Surgery karaman ti sakit ti apdo, Hernia, Appendicitis a kasapulan ti appendectomy ken dadduma pay a napili nga operasion kas iti amputations, digital anesthesia, ken pannakaikkat dagiti dadakkel a tumor ti kudil, basta kasapulan ti anesthesia malaksid iti lokal.
Bayat a dagiti babassit nga operasion ket iti panangikkat kadagiti lipomas, cyst, moles, ken dadduma pay a sugat wenno tumor ti kudil.
Maidiaya pay dagiti dental services, oral survey ken prosthodontics, panagpagab-ot ti ngipen, ken pustiso; outpatient department; ken optical services.
Impalagip ti gobierno probinsial a kasapulan nga unaen ti sumarungkar kadagiti bukod a Municipal Health Offices wenno District Hospitals tapno agpa-assessment ken maiturong iti Bacnotan District Hospital
Para kadagiti agtarigagay nga agparehistro, mabalin a mapan iti TINYURL.COM/MEDMISSION26.
Para iti ad-adu pay nga impormasion ken saludsod, mabalin nga umawag wenno ag-text iti 0967-066-1493.###
