Inpakaammo ti Department of Health (DOH) a libre ti testing para iti Mpox kadagiti ospital ti gobierno ditoy pagilian.
Daytoy ti pinasingkedan ni Health Secretary Teodoro Herbosa iti naisayangkat a budget deliberation ti ahensia idiay Kamara.
Kinuna pay ti sekretario a kiddawenna iti Philhealth nga agaramid iti benefit package para iti mpox testing gapu ta dandanin maibus dagiti test kits ken kasapulan pay laeng a gumatangda kadagiti baro.
Impasingked ti sekretario a maliklikan ti mpox virus no regular a bugguan dagiti ima ken maliklikan ti napaut a pannakilangen kadagiti tattao a naimpektaran iti virus.
