Burburtsa pay laeng no siasino dagiti lallaki a nangtakaw iti maysa a tangke ti danom idiay Barangay 2, San Fernando City, La Union.
Segun kenni Punong Barangay Arnold Castaneda, napukaw ti tangke ti danom idi pay Feb. 8, 2022.
Iti nagbalin a palawag kenkuana ti agbanbantay ti aldaw a napukaw ti tangke ti danom ket inpakada da iti nau-udi ti panangalda ti nasao a banag agingga a naduktalanda a nabiktima dagitoy iti salisi.
Iti agdam, ur-urayenda laengen iti kopya ti CCTV kadagiti establishimento nga asideg ti Barangay Ilocanos Norte tapno maamuan iti nagturongan ken plate number iti lugan a nakaikargaan na ti nasao a tangke ti danom.
