LA UNION – Indaulwan ti National Police Commission (NAPOLCOM) iti panangiganwat ti seminar para kadagiti pulis tapno manayunan iti legal knowledge dagitoy idiay Pangasinan.
Kinuna ni Atty. Edwin Mapili, assistant regional director ti NAPOLCOM – Regional Office 1, naisuro kadagiti pulis maipapan ti prosecution, law enforcement, ken ti community coordinating service.
Sigun kenni Atty. Mapili, naipaganetget kadagiti pulis iti panangsurot iti umno a proseso ti panangipatungpal ti linteg ken iti kinapateg ti koordinasyon iti komunidad.
Kabayatanna, sumaruno a maangay ti kapada met laeng a seminar kadagiti tallo pay a probinysa a sakupen ti Ilocos region. (Absalom Flores)
