LA UNION – Tinungpal dagiti lokal a gobyerno ditoy pagilian iti nagbalin a pammilin idi kalman ni Presidente Ferdinand Marcos Jr. a rabii pay laeng ket rumbeng a makairwaren ti abiso para iti suspensiyon ti klase ken trabaho.
Siniguro pay ti Presidente a nakabantay iti Malakanyang iti sitwasyon ken kasasaad ti panawen seknan iti Bagyo Enteng.
Segun kenni Presidente Marcos a maibasar ti monitoring ket problema iti napigsa nga angin a kabuyog ti bagyo.
Kinuna na a naitalek ti isyu a suspension ti klase kadagiti lokal a gobyerno agsipudta nagduduma ti sitwasyon ti tunggal lugar.
Nu maipapan iti trabaho, ti konsiderasyon kunana ket nu makastrek wenno makaawid dagiti empleyado a natalged agsipudta narigat nu ma-stranded dagitoy.
Base iti nagbalin a direktiba iti Presidente, nasken a sakbay a maturog iti rabii ket ammon dagiti estudyante ken empleyado nu adda serrek iti sumaganad nga aldaw tapno makapag-adjust dagitoy.
