Dinadel dagiti otoridad dagiti marijuana nga agbalor ti ₱16-M idiay Benguet ken iti boundary ti Ilocos Sur, babaen ti nagsaruno nga operasion ti local ken regional units ti Philippine National Police (PNP).
Naisayangkat daytoy iti boundary ti Barangay Licungan, Sugpon, Ilocos Sur, ken Barangay Tacadang, Kibungan, Benguet idi Pebrero 22, bayat nga idiay Sitios Les-eng ken Dalipey, Barangay Tacadang, Kibungan idi kalman, Pebrero 23.
Nagresulta daytoy ti pannakadiskubre ken panangdadael iti nasurok ₱55,000 marijuana plants ken mapatta-patta nga aggatad ti nasurok ₱13 million.
Iti eradication operation, inuram dagiti otoridad dagiti aganay 3,100 marijuana plants ken nakarekober ti agarup 20 kg ti nangao a bulong ken fruiting tops a mapatta-patta nga agbalor met ti nasurok ₱3 million.
Pinaregta met dagiti otoridad dagiti umili nga i-report iti aniaman a mapagduduaan nga aktibidad.###
