Nakaawat iti pabalay ti agingga sangaribo a sigud a rebelde a nagsurrender iti gobierno.
Nakapaisidong dagitoy iti housing project babaen ti Department of Social Welfare and Development.
Segun iti DSWD, iti panangited iti babbalay kenkuada ket tapno maipaayan dagiti pamilya da iti nasayaat a panagbiag kasaruno iti panagsubli da ti talek iti komunidad.
Nagserbi ti Philippine Army kas in-charge kadagiti naipasdek a babbalay bayat a ti Department of Public Works and Highways met iti nangidaulo iti konstruksyon kadagiti kalsada a kumonekta kadagitoy.
Mangipaay met dagiti local a gobierno kadagiti multipurpose covered court bayat a ti DSWD ti mangited iti panggedan.
Ti nadakamat a bilang ket manipud pay iti 2017 nu sadino nagsasaruno iti panagsurrender dagiti rebelde a tinallikudanen iti palso a pammati iti biag.
