BR LA UNION – Nakaala iti baro a pwesto iti Philippine National Police (PNP) ti nasurok 20 nga opisyal kalpasan iti nalawa a panagbalasa iti pwersa ti PNP iti sidong ti liderato ni PNP Chief PGen. Nicolas Torre III.
Kabilang ditoy dagiti uppat nga opisyal a nainaganan kas baro a Director iti Police Regional Offices (PRO) base iti nagbalin a direktiba ni Torre ken agus a nagbalin nga epektibo ita nga aldaw ti Huwebes.
Karaman kadagiti opisyal a nairaman iti revamp ket ni PBGen. Jack Wanky kas baro a hepe ti Police Regional Office 4A (CALABARZON), sukatanna ni PBGen. Paul Kenneth Lucas, a nadutukan kas baro a Deputy Regional Director idiay National Capital Region Police Office (NCRPO).
Ni PBGen. Ponce Rogelio Penones ti mangsukat kenni Wanky kas PRO 6 Chief idinto a ni Criminal Investigation and Detection Group (CIDG) Officer-In-Charge PBGen. Ni Rolindo Suguilon ti baro a Director ti PRO 10.
Idiay Metro Manila, ni PBGen. Arnold Abad iti baro a lider ti Northern Police District, a mangsakop kadagiti siyudad ti Caloocan, Malabon, Navotas ken Valenzuela.
Nadutukan met ni PBGen. Randy Arceo kas baro a hepe ti Southern Police District, a mangsakop iti Las Pinas, Makati, Muntinlupa, Paranaque City, Pasay, Taguig ken Pateros.
Dadduma pay nga opisyal a nakagun-od a ti baro a pwesto ket isuda:
-PMGen. Robert Alexander Morico II – chief, Area Police Command-Visayas;
-PBGen. Romeo Macapaz – acting director, CIDG;
-PBGen. Frankie Candelario – Directorate for Intelligence;
-PBGen. Jonas Amparo – PNP Retirement and Benefits Administration Service;
-PBGen. Martin Defensor – Finance Service;
-PBGen. Noel Vallo – chief, Logistics Support Service;
-PCol. Felix Verbo, Jr. – chief, National Police Training Institute (NPTI);
–Brig. Gen. Melecio Buslig Jr. – deputy regional director for administration, PRO 4B (Mimaropa);
-PBGen. Warren Gaspar Tolito – chief of staff, PNP Academy;
-PBGen. Glicerio Cansilao – director, Anti-Kidnapping Group;
-PCol. David Poklay, director – Intelligence Group;
-PBGen. Christopher Abecia – director, Maritime Group;
-PBGen. Jason Capoy – director, Aviation Security Group;
-PBGen. Edwin Quilates – director, Drug Enforcement Group
Kabayatanna, ti naisayangkat a reshuffle ket istratehiya ni Torre tapno maikabil iti puwesto dagiti makatulong kenkuana iti panangidaulo ken trabahona kas baro a lider ti Philippine National Police.
Kabayatanna, inallokoy ni Torre dagiti baro a nadutokan nga opisyal a pagtalinaeden iti patas ken integridad iti panangipatungpal ti pagrebbengan.
