Agdama latta nga agtaltalinaed ti 21,492 a pamilya kadagiti evacuation centers kalapasan dagiti naglabas a bagyong ‘Nika’, ‘Ofel’, ken ‘Pepito,’ segun iti report ti Department of Social Welfare and Development (DSWD).
Maibasar ti datos ti DSWD-Disaster Response Operations Monitoring and Information Center, agingga 75,110 nga indibidwal latta ti agtaltalinaed kadagiti 673 evacuation centers ditoy pagilian.
Mainayon pay dagiti 46,141 a tattao a pinili nga agnaed kadagiti kakabagyan ken gagayyem da.
Indanonen ti ahensya ti humanitarian aid a dumanon iti P405.74M karaman ti dadduma pay a pamilya a naapektaran dagiti naglabas a bagyo.
Impadamag met ti DSWD nga addaan da pay ti P2.32B resources ken P144.43M kadagitoy ket standby funds.
Kabayatanna, dumanon met ti agingga P2.18 billion ti gatad dagiti taraon ken non-food items iti nakasagana a maibunong.
