BR LA UNION – Natalged a nakaawid ditoy pagilian dagiti 317 nga Overseas Filipinos babaen ti maikatlo a government-chartered flight, segun ti Department of Migrant Workers (DMW) ken Overseas Workers Welfare Administration (OWWA).
Limmapag ti eroplano idiay Villamor Air Base idiay Pasay City, karga na iti 153 nga overseas Filipino workers (OFWs), 114 a dependents, ken 50 nga stranded passengers, a nagawid gaputi agtultuloy a riribok idiay Middle East.
Segun iti DMW, paset daytoy iti direktiba ni President Ferdinand Marcos Jr. a siguradwen ti pagimbagan ken seguridad dagiti Pilipino idiay Middle East.
