BR LA UNION – Umabot iti nasurok 400 a tattao ti natay iti inaramid nga airstrike ti Israel idiay Gaza.
Segun iti Palestinian health authorities, mabalin a ti nasao a panagraut ti mangdadael iti dua bulan a ceasefire.
Inaramid ti Israel iti airstrike tapno piliten dagiti Hamas a ruk-atan ti amin a kawtibo da.
Adda pay 59 a kawtibo manipud iti pakabuklan a 250 nga iggem ti Palestinian militant groups sipud rinaut da ti Israel idi Oktubre 7, 2023.
Immunan nga imbaga ni Israeli Prime Minister Benjamin Netanyahu a mangaramid daytoy iti nairut nga addang kontra Hamas gaputi panagkedked da a ruk-atan dagiti kawtibo.
Kaadwan a natamaan ti airstrikes dagiti babbalay ken encampments a pagnanaedan dagiti sibilyan manipud north agingga south idiay Gaza Strip.
Inawagan met ti Israeli military ti nasao a panagraut kas “preemptive offensive” nga addan panggep a lapdan iti kapasidad ti Hamas a a mangisayangkat ti panagraut.
