Dumanon ti nasurok 42,000 a pamilya wenno 133,000 nga indibidual iti apektado ti Bagyong Tino idiay Western Visayas, kas maibasar iti kauddian a datos nga imbinglay ti liderato ti Office of Civil Defense Region 6 (OCD-6).
Iti agdama, 30,000 a pamilya wenno 94,000 nga indibidual iti adda kadagiti 1,304 nga evacuation center.
Ti Capiz iti addaan ti kaaduan nga affected families a 17,000; kasaruno ti Iloilo nga addaan ti nasurok 9,000; Aklan nga agarop 8,000; Antique a nasurok 7,000; ken Guimaras a nasurok 1,000.
Nangatngato met ngem 400 nga indibidual ken 113 rolling cargoes iti stranded kadagiti puerto idiay Western Visayas.
Dumanonen ti nasurok maysa a milyon a pisos iti gatad dagiti food packs ken non-food items iti naipaayen dagiti lokal a gobierno ken DSWD.
Impasigurado ti OCD-6 nga agtultuloy da nga ag-monitor ken makikoordinar tapno napartak ti tulong kadagiti lugar nga apektado ti bagyo idiay Western Visayas.###
