BR LA UNION – Ballaygi a nakumpiskar iti nagtipon a puwersa ti Philippine Drug Enforcement Agency (PDEA) ken Philippine National Police (PNP) iti droga nga agbalor ti aganay P6.8-bilyon idiay probinsiya ti Pangasinan.
Naisayangkat ti operasyon babaen iti panangiserbi ti search warrant iti maysa a bodega a masarakan idiay Barangay Laois, Labrador probinsiya ti Pangasinan idi rabii ti Oktubre 3.
Nadiskubre dagiti otoridad ti nasurok 900 a plastic tea bag a naglaun ti maatap a shabu ken tunggal pakete ket agdagsen ti maysa kilo.
Iti pakabuklan ket umabot ti nasurok 900 kilos ti iligal a droga iti nakumpiskar iti nasao a lugar.
Awan ti naabutan dagiti otoridad a personalidad iti uneg ti bodega idi rauten da daytoy.
Segun iti PDEA, maysa daytoy a follow-up operation iti natiliw da a dua nga indibidwal a nakumpiskaran ti nasurok P800-M a balor ti droga idiay ili ti Bugallon idiay probinsiya Pangasinan idi Huwebes, Oktubre 2.
Agtultuloy a sap-sapolen dagiti otoridad dagiti suspek nga adda iti likod ti panaglakwan ti iligal a droga idiay probinsiya ti Pangasinan.
