BR LA UNION – Inwaragawag ni President Ferdinand “Bongbong” Marcos Jr. a nasurok 600,000 a pamilya iti nakagun-oden ti self-sufficiency babaen ti Pantawid Pamilyang Pilipino Program (4Ps).
Segun kenni Marcos, nakatulong ti nasao a programa iti edukasyon ken salun-at dagiti ubbing babaen ti conditional cash grants.
Idi napan a tawen, adda nasurok 4 a milyon a babbalay iti natulungan ti 4Ps.
Kabayatanna, inyuswat ti Department of Social Welfare and Development (DSWD) iti “Kaagapay Donations Portal,” maysa a digital platform tapno mapapartak iti panagipatulod ti donasyon kadagiti agkasapolan.
Malaksid dayta, inyam-ammo pay ti Department of Social Welfare and Development iti maysa a ‘virtual one-stop-shop’ para iti mas napaspas a proseso ti regulatory services, kabilang iti nabibiit nga aplikasyon para iti travel clearance dagiti menor de edad a pumanaw ditoy pagilian.
