BR LA UNION – Immadu ti bilang dagiti eskwelaan a nagkanselar ti klase kas pannakipaset ti maika-39 nga anibersaryo ti 1986 EDSA People Power Revolution.
Daytoy ket laksid a naideklara laeng ti Pebrero 25 kas ‘special working holiday’.
Immuna a nagdeklara iti tallo nga unibersidad idi Domibingo ti class suspension – De La Salle University, University of Santo Tomas ken University of the Philippines.
Iti agdama, addan ti nasurok 70 nga unibersidad, kolehiyo, ken high school ti simmurot ken nagkanselar ti klase tapno ipaayan dalan iti pananglagip iti napateg nga aldaw.
Dagiti nasao nga eskwelaan ket manipud idiay Manila, Quezon City, Mandaluyong City, Marikina City, Parañaque City, Las Piñas, ken Makati City idiay National Capital Region.
Dadduma pay nga unibersidad, college, high school, ken elementary school manipud dadduma a probinsya ken syudad iti ruar ti Metro Manila ti simmaruno a nagdeklara ti class suspension.
Pakaibilangan idiay Cebu City, Baguio City, Pampanga, Batangas City, Lucena City, Lucena City, Puerto Princesa, Negros Occidental, Tacloban, Butuan City, Tarlac City, Alitagtag, Antipolo City, Tagbilaran City, Baggao, Cagayan, Davao Oriental, Pasig City, Cauayan City ken Cavite.
Kabayatanna, malaksid iti class suspension idiay Capas, Tarlac, nagsuspinde pay ti serrek iti trabaho kadagiti opisina ti gobyerno iti nasao a probinsiya.
REGIONAL______SHOOTING
headline: Datu Piang, Maguindanao Vice Mayor Samama, napaltugan bayat ti panagbetla na idiay Datu Piang, Maguindanao
Nakalasat ni Datu Piang, Maguindanao Vice Mayor Atty. Omar Samama kalpasan a paltugan ti saan pay a nabigbig a suspek bayat ti panagbetla na iti entablado iti nasao a lugar.
Napasamak ti pammaltog kagiddan ti aktibidad a panagibunong da ti ayuda, pasado alas-10:00 ti agsapa idi kalman, Pebrero 24, 2025 idiay Barangay Magaslong.
Dagus a naiturong iti ospital ti biktima kalpasan ti insidente.
Iti agdama, addan iti natalged a kondisyon ti bise mayor ken agpapaimbag manipud iti linak-am na a sugat .
Ni Samama ket agpa-reelect kas vice mayor iti sidong ti United Bangsamoro Justice Party (UBJP).
Kabayatanna, mangisay-sayangkat ti naun-uneg nga imbestigasyon dagiti otoridad seknan iti insidente.
