Impadamag ti Bureau of Customs ken Department of Agriculture a nasurok a 9M a kilo ti bagas wenno katupag ti 356 a container van ti naka-stuck lang idiay Manila Port.
Segun kadagiti dua nga ahensia, posible nga ur-urayen laeng dagiti rice importers ti umno a gundaway a mangiruar iti daytoy.
Karaman ditoy ti panangingato iti presio ti bagas sakbay nga alaenda ti bultohan ti bagas iti sangladan.
Immuna nga imbaga ti Philippine Ports Authority a 30 nga aldaw laeng ti grace period dagiti importers ti bigas tapno alaen dagiti containers.
Kalpasan ti naikeddeng nga oras, maideklara daitoyen nga abandoned.
Iti sabali a bangir, patien ti BOC a gungundawayan dagiti rice importers ti kastoy a regulasion tapno maidulin dagiti bigas.
Basar iti datos ti DA, mangiruar ti Philippine Ports Authority ti datos mainaig kadagiti container van a naituding a makumpiskar gapu limmagpas dan iti 30-day period.
Mainaig iti daytoy, immawag ti grupo ti Bantay Rice a mangimbestigar iti posible a price manipulation ken hoarding ti bigas iti daytoy a kaso.
