Nasurok 20 a tattao iti pimmusay kalpasan a nauram ken naidungpar iti bus a naglaon kadagiti estudyante ken faculty members sadiay Bangkok, Thailand.
Kinuna ni Thailand Interior Minister Anutin Charnvirakul nga agarop 25 a tattao ti mapapati a pimmusay ken kaadwan kadagiti biktima ket ubbing nga estudyante.
Iti umuna a panagrescue ket 16 nga estudyante ken tallo a mannursuro ti naipadamag a nataray iti hospital.
Iti school bus ket naglaon iti 45 a pasahero: innem a mannursuro ken 39 nga estudyante ti elementarya ken junior high school.
