Kinumpirma ni PLT EMMA RUTH ESTRADA, agdama a Police Community Relations Officer ti San Fernando City Police Station, a sumagmamano nga indibiduwal wenno nasurok 10 itan a tattao iti nakemmeg ken namulta gaputi panaglabsing iti liquor ban.
Iti pannakiuman ti Bombo Radyo La Union kenni Estrada, kinuna na nga akto a natiliwan dagiti otoridad dagiti nasao nga indibiduwal nga ag-iinom ti arak.
Partikular a dinakamat na dagiti agtrab-trabaho met laeng iti maysa a resto bar iti Barangay Biday ken sumagmamano iti Barangay Sagayad.
Dagiti matiliw a violators ket naiyisyuan ti citation ticker ket napatawan ti maiyannatop a multa, maiyannurot iti n akailanad iti city ordinance.
Malaksid iti liquor ban, nairut pay nga ipatpatungpal dagiti otoridad ditoy syudad iti curfew hour ken illegal gambling, nga itay laeng nabiit ket adda iti pito a tattao a naaresto gaputi panagsugal iti pusoy dos ken tong-its.
