BR LA UNION – Pakabuklan a P150,484 a balor ti iligal a droga partikular ti shabu iti kinumpiskar dagiti otoridad iti naduma-duma a lugar ditoy probinsiya ti La Union iti las-ud ti makalawas nga operasyon dagitoy.
Iti nasao a kantidad ket kaibatugan ti nakumpiskar a 22.13 a gramo ti shabu manipud iti 13 a suspek, a natiliw iti nagsisina nga anti-illegal drugs operation idi napan a lawas.
Paset daytoy iti nairutan a kampanya ti La Union Police Provincial Office (LUPPO) kontra illegal a droga.
Kabayatanna, iti dadduma pay a police operation, 23 a wanted person nga addaan ti naduma-duma a kaso ti inarestar dagiti otoridad.
Nakaisayangkat da pay ti 11 nga operasyon kontra illegal gambling a nakatiliwan ti 35 nga indibiduwal manipud ti nagduduma a lugar ditoy probinsiya ti La Union.
