LA UNION – Umabot iti pakabuklan a P405,000 iti maipagarop nga intaray dagiti uppat a suspek ken mapapati a miyembro ti budol-budol gang manipud iti maysa a 77-anyos a lola idiay Bangar, La Union.
Iti biktima ket nabigbig iti nagan a Teresita Velasco, residente ti Ma. Cristina, Bangar, La Union.
Immuna ti daytoy, iti biktima ken dagiti suspek ket nagkikita iti public plaza , a sakop ti Barangay Central East 2 iti nasao nga ili.
Maipagarop a nagpabigbig iti maysa kadagiti suspek a ni Jun Fernandez a gayyem iti anak na a ni Gilbert Velasco.
Idi agbayag ket inawis dagiti suspek iti biktima a lumugan iti puraw a kotse da (with plate# CMG 179).
Agingga a nakumbinsir dagiti suspek iti biktima nga agawid ken mapan na alaen iti nadakamat a kantidad.
Idi agsubli kadagiti suspek, inyawat na iti imet na a kuwarta kasukat ti maysa a bag, a segun kadagiti suspek ket naglaun met laeng ti kuwarta agraman iti ibagbaga da a komisyon daytoy.
Naladawen ti amin idi agbalaw iti biktima agsipudta puros met papel iti linaun ti bag a naited kenkuana ken napukaw metten iti ribo a kantidad ti kuwarta daytoy.
Dagus na nga inkamang iti Bangar Police Station iti inaramid kenkuana dagiti maipagarop a budol-budol gang.
Kabayatanna, kinuna iti Bombo Radyo La Union ni PCI Rogelio Miedes, agdama a hepe ti pulisiya idiay ili ti Bangar, a naki-koordinar dan iti LTO tapno mabigbig nu siasino iti akinkukua ti kotse nga inusar dagiti suspek iti modus dagitoy.
