LA UNION – Naipasa a dagus idi malem kalman kabayatan ti regular session ti Sanggunian Panlalawigan ti La Union, iti maysa a resolusyon a mangipaay ti tulong pinansiyal para kadagiti biktima ti panagalburuto ti Bulkan Mayon idiay probinsiya ti Albay.
Immuna ti daytoy, sinertipikaran ni Governor Francisco Emmanuel “Pacoy” Ortega III kas urgent iti nasao a resolusyon.
Maibasar iti naipasa a resolusyon, pakabuklan a P645,000 iti maited a financial assistance ti lokal a gobyerno ti La Union para kadagiti naiyakar a residente iti agtultuloy a panagalburuto ti bulkan Mayon.
