BR LA UNION – Agtultuloy iti Department of Social Welfare and Development iti panangipaay na ti tulong iti amin a residente a naapektaran ti panag-alburuto ti Bulkan Kanlaon idiay probinsiya ti Negros Occidental.
Mainaig ti daytoy ket umabot iti pakabuklan a P9.8-M cash assistance ti naituloden ti ahensya kadagiti apektado a pamilya.
Tunggal maysa kadagitoy ket nakaawat iti P5,775 a tulong pinansiyal.
Karaman ditoy dagiti umili manipud La Castellana, La Carlota City, ken Bago City.
Iti statement ti DSWD Field Office 6 Regional Director Arwin Razo, kinunana a daytoy ti umuna a gundaway a nangidanonda ti Emergency Cash Transfer.
Impasigurado ni Razo nga agtultuloy ti pannaki-koordinar da kadagiti lokal a gobiyerno a naapektaran iti panagbettak ti bulkan.
