Natayen idi marekobre ti maysa a lalaki a maladaga nga adda iti igid ti creek idiay Barangay Sta. Ana, Agoo, La Union.
Iti pannakiuman kenni Police C/Inps. Roy Villanueva, hepe ti Agoo Police Station, nakita daytoy ni Murbin Sadi Bati, 21, baro, residente ti nasao a lugar kabayatan a magmagna.
Segun pay kenni Villanueva, mapatta-patta a 8 bulan ti maladaga nga addaan pay ti nakakapet nga umbilical cord na.
Dagus met nga naitaray iti La Union Medical Center ti maladaga ngem awanen ti biag na idi sumangpet iti pagagasan.
Kabayatan na, immapela met ti kapulisan kadagiti residente a makitinnulong kadakuada no ammo dagitoy iti insidente tapno mapagsungbat iti responsable nga ina.
