Nakatuding nga isango ti House Prosecution panel dagiti opisyal ti National Bureau of Investigation (NBI) ken House of Representatives kas testigo iti impeachment trial ni Vice President Sara Duterte a mangrugi inton bigat, Lunes, Hulyo 6.
Iti manifestation nga insubmitir ti prosecution, naikailanad a kabilang dagiti umuna a testigo a maisango ket isuda: NBI Regional Director Atty. Jeremy Lotoc, NBI Senior Agent John Mark Calilung, ken Legislative Security Bureau Executive Director Capt. Belinda Bello iti Office of the Sergeant-of-Arms.
Nailista dagiti tallo kas testigo para iti maikapat nga article of impeachment, gaputi maiyak-akusar iti Bise Presidente a culpable violation of the Constitution, high crimes, ken betrayal of public trust mainaig iti maipagarop a pangta ti Bise Presidente a nangbilin ti mangpapatay kada Presidente Ferdinand Marcos Jr., First Lady Liza Araneta-Marcos, ken sigud a House Speaker Martin Romualdez.
Maisayangkat ti presentasyon dagiti testigo ti prosekusyon mangrugi inton bigat Hulyo 6 agingga Hulyo 8.
