BR LA UNION – Makaaw-awat ti National Bureau of Investigation (NBI) kadagiti baro nga impormasyon seknan iti posible a paglem-lemmengan ni Atong Ang.
Segun kenni NBI-National Capital Region Chief Atty. Joel Tovera, adda dagiti na-validate da nga impormasyon manipud naduma-duma a lugar, kabilang idiay Visayas.
Kinuna na a dandani inaldaw nga adda baro a tip a maaw-awat ti NBI, kabilang dagiti tawag iti hotline, ken amin dagitoy ket maipapaayan ti addang tapno maaresto ni Ang.
Inikkan ti importansiya ti NBI iti maysa a text message a nangibaga a posible nga addan iti sabali a pagilian ni Ang sipud pay idi Disyembre.
Kabayatanna, nakasagana ti NBI iti international coordination ken verification ingkaso a mapaneknekan nga addan iti ruar ti pagilian ti pugante a negosyante.
Immunan nga imbaga ti whistleblower a ni Julie Patidongan alyas Totoy ken ti Department of the Interior and Local Government (DILG) a posible nga addan idiay Cambodia wenno Thailand ni Atong Ang.
