Inakusaran ni Israeli Prime Minister Benjamin Netanyahu ti grupo ti Hezbollah a nangpadas a mang-assassinate kenkuana babaen ti drone kalpasan a naraut ti balayna idiay Caesarea, Israel.
Iti biang ti Hezbollah ket pinaglibakan da ti alegasion ni Netanyahu.
Kimmaro ti tension ti baetan ti Hezbollah ken Israel kalpasan a pinatay ti Israel dagiti lider ti militante a grupo ti Hezbollah a da Hassan Nasrallah ken Yahya Sinwar ti Hamas.
Kabayatanna, awan ni Netanyahu iti pagtaenganda idi napasamak ti nadakamat attempted assassination, bayat nga awan met ti naipadamag a nasugatan manipud iti panangraut ti Hezbollah.
Segun kenni Israel military spokesman Rear Admiral Daniel Hagari, naharang da ti tallo a drone nga impatulod ti Hezbollah manipud Lebanon.
Kinuna ni Israeli Foreign Minister Israel Katz a ti drone attack a naaramid iti balay ni Netanyahu ket pammaneknek kadagiti pudno a kolor ti Islamic Republic.
Inakusaran ni Katz ti Iran a maipagarup a mangisungsong iti ‘evil axis’ iti rehion.
