LA UNION – Maipawilen ti night swimming iti kabaybayan a sakopen ti ili a San Juan, a nabirngasan iti surfing capital of the north.
Maiyannurot daytoy iti kabarbaro nga ordinansa nga impasa ti municipal council, a maaw-awagan iti ‘Pescribing Safety Rules in the Municipal Sea Waters.’
Mainaig ti daytoy, imbinsa-binsa ni Mr. Jimmy Mabalot, head iti Municipal Disaster Risk Reduction and Management Office (MDRRMO) ng San Juan, La Union dagiti baro nga allagaden, a nakailanad iti ordinansa a nasken a suruten ti publiko.
Kinuna na a manipud alas 6:00 ti sardam agingga alas 6:00 ti agsapa, ket awanen ti siasinuman a mapalubosan nga agdigos iti kabaybayan, gaputa malaksid a nasipngeten iti aglawlaw, ag-high tide metten, a kangrunaan a rason iti pakal-kalmesan dagiti beachgoers nangruna dagiti saan na nga ammo ti aglangoy ken adda iti impluwensiya ti alokohol.
Iti nasao nga ordinansa ket adda pakainaigan na iti ngumatngato nga insidente ti pannakalmes iti kabaybayan a sakop ti ili a San Juan.
Nupay kasta, iti kabarbaro nga ordinansa ket saan a limitado kadagiti resorts, restaurants, hotel and cottages a mangipapaay ti tourism services gaputa mandato kadagitoy nga addaan ti life guards nga agbantay iti seguridad kadagiti customers nga agdidigos iti kabaybayan.
