LA UNION – Nainget nga imon-monitor ti National Nutrition Council (NNC) Regional Office-1 dagiti local salt producer tapno maipanamnama nga iodized iti patpatanuren dagitoy a produkto ditoy Ilocos Region.
Kinuna ni Nutritionist Kendal Gatan, katinnulongda dagiti dadduma pay nga ahensya ti gobyerno tapno kitaen nga iodized salt iti mailako kadagiti local a merkado.
Babaen ti Regional Bantay Asin Task Force kinunana ket masegurado a mangpataud dagiti local salt producers kadagiti asin nga addaan ti iodine.
