Idurduron ti Office of Civil Defense (OCD) ti panangipasdedk ti centralized national 911 system.
Iti sidong daitoy a sistema, panggep a pagkakadwaen ti maar-aramid a panagsungbat ti naduma-duma nga ahensiya ti gobierno kadagiti krimen ken kalamidad.
Segun kenni OCD Administrator Undersecretary Ariel Nepomuceno, immuna dan a napagsaritaan ni Department of the Interior and Local Government (DILG) Secretary Jonvic Remulla ti mainaig iti daitoy ti panggep a mapasayaat ti koordinasyon ti baetan dagiti ahensiya ti gobierno, kadwa ti response time ti aniaman a problema.
Iti immuna a plano, kinuna ni Nepumuceno a mabalin a pagkakadwaen ti amin a sistema ken protocol a nakapauneg ti crime emergency ken disaster emergency response, mangbukel ti maysa a national protocol a mausar, ken masurot para iti episyente a panagsungbat.
Indasig ni Nepumuceno ti kinunana a kumplikado nga sistema iti disaster management structure a masursurot ditoy Pilipinas ken ti posibilidad a pannakaulaw ti pnagusar iti daitoy.
Segun iti OCD administrator, ti epektibo nga emergency management ket nakadepende iti naannayas a panagkakadwa ti tunggal aheniysa ti gobierno nga adda kaniya-kanya da nga akem.
Iti agdama, ti National Disaster Risk Reduction and Management Council (NDRRMC) ket buklen ti 45 a member agencies ken dagiti pannakabagi iti private sector.
Responsable met iti Department of Science and Technology iti mitigation, ti Department of Interior and Local Government ti mangidaulo iti preparedness wenno panagsagana bayat a ti Department of Social Welfare and Development ti mangidaulo iti response effort.
Agserbi met a lead ti National Economic and Development Authority ti panagbukel kadagiti long-term solution kontra kadagiti didigra.
