Naisayangkat dagiti misa kadagiti lugar nu sadinno ket napasamak iti terror attack sadiay Estados Unidos iti panagrambak ti maika-25 nga anibersaryo ti 9/11 attack.
Segun kenni Archbishop Paul Coakley iti Oklahoma City, presidente ti US Conference of Catholic Bishops, karaman kadagiti lugar a nakaisayangkatan ti misa ket sadiay New York City, Washington D.C., ken Pennsylvania.
Maipalagip nga uppat a commercial planes iti mapapati nga in-hijack dagiti miembro ti al-Qaeda ken insusar iti panangraut ti World Trade Center, Pentagon, ken Shanksville, Pennsylvania.
Iti nasao a terorismo ket dimmanon ti 2,977 a tattao dagiti natay, karamanen dagiti 441 a first responders.
Kabayatanna, rambakan ni US President Donald Trump ti maika-25 nga anibersaryo ti 9/11 attack babaen ti pananglaglagip ken panangpadayaw kadagiti biktima sadiay Ground Zero. Nagturong pay ni Trump idiay Pentagon ken binisita iti National September 11 Memorial and Museum.
Mainaig kadaitoy ket nabilin ni Vice President JD Vance nga isu ti agturong sadiay World Trade Center.
