LA UNION – Nakasaganan iti Office of the Civil Defense ken nadumaduma nga ahensya ti gobierno ita a Semana Santa.
Segun kenni Mike Sabado, spokesperson ti OCD Region 1, kalkalpas laeng ti panagtataripnongda da maipapan iti preparasyon ti Nangina nga Aldaw ken Summer Vacation.
Nangipaulog metten dagitoy kadagiti guidelines kas sungbat kadagiti nasken nga aramiden a panagsagana.
Kinuna na, mabalinen nga ipasidong iti blue alert status dagiti ahensya iti masakopan dagitoy a lugar nangruna no adun ti sumangsangpet a turista pakairamanan pay dagiti alikamen a pang-rescue.
Innayon na pay, adda metten dagiti naidelpoy a lifeguard iti nadumaduma a beaches tapno mangipaay ti seguridad kadagiti beach goers.
Impaganetget na a napateg a kitaen iti kondisyon dagiti lugan tapno maliklikkan dagiti aberya iti kalsada.
Adda metten ti koordinasyonda iti Land Transportation Office ken Land Trasportation Frunchising & Regulatory Board nga imonitor dagiti pampasahero a bus no natalged dagitoy a pagluganan kasta met dagiti driver no dagitoy ket fit to work.
Kabayatan na, pinalagipanda met dagiti residente nga agnanaed iti igid ti baybay ken dagiti mangngalap nga agannad ken saanen nga aglayag no adda iti gale warning.
