Dumanonen iti dandani tallo a bilion a doliar ti cash remittances dagiti Overseas Filipino Workers wenno OFWs iti bulan ti Agosto basar iti datos manipud iti Central Bank of the Philippines.
Kangrunaan a panggep dagiti nadakamat a remittances ket tapno suportaran ti panagadal ken dadduma pay a gastos dagiti pamilia ken kakabagianda ditoy pagilian.
Maibasar iti datos ti BSP, ti dagup a cash remittances wenno money transfers dagiti OFW ket dimmanon iti $2.885 billion a nairekord iti bulan ti Agosto ti agdama a tawen.
Nangatngato dayta iti 32% wenno katupag ti $2.796 bilion iti isu met laeng a bulan idi 2023.
Segun iti BSP, ti panagngato ti cash remittances ditoy pagilian ket gapu iti panagadu ti bilang dagiti land and sea base OFWs.
