Agtitinnulong itan dagiti autoridad ken volunteers a mangtaming iti oilspill a napasamak idiay San Pedro, Laguna.
Segun iti San Pedro City LGU, nagrugi daitoy kasaruno ti pannakauram ti Kengian complex idiay Barangay San Antonio.
Agingga 13 a bodega ti napuoran ket maysa a bodega ti nakaidulinan dagiti 200 drums ti motor oil.
Segun iti LGU, ti Oil Spill Coordinating Council ket nangipakaten ti oil spill boom iti San Isidro River nu sadiay ket pagamkan nga agsaknap ti lana.
Ti panagsaknap ti lana ket agdama a malaplapdan ken banbantayan ti Philippine Coast Guard agraman dagiti Bantay Lawa Volunteers iti posible nga epekto daitoy ti Laguna Lake ken dadduma pay a kadanuman idiay Laguna.
Nangisayangkat metten ti Bureau of Fisheries and Aquatic Resources (BFAR) iti water sampling ken fish sampling tapno maikeddeng ti kalidad ti danum ken ikan idiay San Isidro River.
