Matuloyen iti proposed drainage plan idiay probinsya ti Laguna kalpasan a naipasidong ti Binan ken Santa Cruz iti nalawa a panaglayos a nagpaot ti agingga tallo a bulan.
Segun kenni Aldwin Cejo, head ti Laguna Provincial Disaster Risk Reduction and Management Office (PDRRMO), isagsaganan ti opisina dan dagiti plano kadwa ti gobierno ti Laguna para iti maisayangkat a dredging idiay Laguna De Bay.
Iti agdama ket dumanon laeng ti agingga 2.8 a metro ti kauneg ti danom nga isu’t rason nu apay a nalaka daitoy a mapunno.
Laguna De Bay ti kadakkelan a waig ditoy Pilipinas nga addaan ti sukat a 911 – 949 square kilometer.
Innayon pay ni Cejo, kasapulan a ti kauneg ti waig ket dumanon ti agingga innem a metro nu kasta ket saan a nalaka a mapunno nu agtultuloy dagiti panagtudtudo.
Impasiguro ti PDRRMO, adda met ti umdas nga evacuation center para kadagiti mayat nu adda manen dagiti panaglayos.
Kabayatanna, kinuna met ni Rep. Dan Fernandez a rinugianen ti ahensya ti panagharang kadagiti danom a lumablabas kadagiti kadawyan a malayalyos nga lugar.
