LA UNION – Tinambakan ti USA Basketball team iti Serbia 110-84 iti umuna nga ay-ayam da iti Paris Olympics.
Bida iti panangabak ti USA ni Kevin Durant a nakailista ti 23 points bayat a 21 points, siyam a rebounds ken pito nga assists ni LeBron James.
Umuna a panagsubli daytoy iti Olympics ni James kalpasan ti 12 a tawen bayat nga umuna met a gundaway para kenni Durant.
Target ti USA Basketball team a magun-od ti maika-lima nga agsasaruno nga Olympic Gold medal para iti US.
