Nakaaramid manen iti triple-double performance ni NBA superstar Lebron James iti balligi ti Los Angeles Lakers kontra Philadelphia 76ers.
Nairekord ni Lebron iti 21 points, 12 rebounds, ken 13 assists iti las-ud ti 34 a minutos a panagay-ayam na.
Indauloan met iti bigman a ni Anthony Davis iti opensa ti Lakers ken nakairekord ti 31 points.
Daitoy a laban ket pinaay-ayam dan iti sigud a starter a ni D’Angelo Russell kas bench ngem nakaaramid latta isuna iti 18 points iti las-ud ti 25 minutos a panagay-ayam.
Inggana iti agdama ket saan latta nga nakaay-ay-ayam ni Sixers star ken 2-time MVP Joel Embiid ken arig na saanen a mabagkat da All-Star player Paul George ken Kyle Lowry iti bunggoy.
Iti laksid ti pannakaabak, naipamatmat latta ti Sixers iti napintas a pokus ken koordinasyon, isu ket dimmanon da laeng iti lima a turnovers iti las-ud ti 48 a minutos.
