Inyanunsyo ti Los Angeles Clippers a naala dan ti 28-anyos ken point guard a ni Ben Simmons, dua nga aldaw kalpasan nga i-waive ti Brooklyn Nets kasaruno metten ti buyout iti kontrata na.
Saan metten nga impablaak ti Clippers dagiti detalye ti katulagan ngem daitoyen ti maudi a tawen ni Simmons iti lima a tawen na a panagay-ayam.
Segun kadagiti insiders, $177.2-M ti kontrata ti NBA star a nagrevenue ti $40.3 million ita nga season.
Nagleppas ti panagtalinaed ni Simmons idiay Nets kalpasan ti injury nga ti tallo a tawen.
Ti sigud a Rookie of the Year ken three-time All-Star ket nakipaset iti Nets idi Pebrero 10, 2022 kas paset ti five-man trade a nangipatulod kenni James Harden sadiay Philadelphia 76ers.
Kadagiti panawen na idiay Brooklyn, nakairekord ni Simmons kadagiti 90games, 69 kadagitoy ket kas starter nga addaan iti average a 6.5 points, 6.2 rebounds, ken 6.3 assists ti 25.4 minutos na a panagay-ayam.
Nupay kasta, ti nagbalin a performance ni Simmons iti Nets ket saan a maidasig kadagiti pinartuat na a numero sadiay 76ers, nu sadino isuna ti napili kas No. 1 overall pick idi 2016 NBA Draft.
