LA UNION – Immatrasen nga agay-ayam iti Paris Olympics ni Clippers star Kawhi Leonard.
Segun iti USA Basketball Team, kayat ni Leonard nga ipaayan prayoridad iti panagay-ayam na iti Los Angeles Clippers para iti baro a season ti NBA.
Iti napalabas nga NBA season, saan a nakaay-ayam iti naudi walo a games gaputi sinagaba na nga injury iti kannawan a tumeng.
Pinadas na iti agay-ayam iti first round playoffs kontra Dallas Mavericks ngem saan daytoy a napalubosan.
Gaputi dayta, nagdesisyon iti USA Basketball team nga isukat ni Derrick White ti Boston Celtics.
Maaddaan ti exhibition games iti Team USA ken Canada kas panagsagana iti Olympics a maisayangkat idiay Las Vegas.
